ورزش آذربایجان خبر وئریر، مس‌سونگون باشگاهی اوزون بیر موددت‌دن سونرا سون گون‌لرده گلن فصل اوچون سؤزلشمه‌لرینی یئنی‌له‌دییی اویونچولارین آدی رسانه‌لرده یایینلامیش‌دیر. ایندی ده ایکی اویونچو ایله دانیشیق آپارماق‌دادیرلار.

بو باشگاه محمدرضا سنگ‌سفیدی ایله امیرحسین تقوی ایله سؤزلشمه‌ یازمیش‌دیر. بیلگیلی قایناق‌لاردان گلن خبرلره گؤره ایکی یئنی اویونچو دا بو لیسته‌یه آرتیریلمیش.

بو ایکی اویونچو میللی تیمده چالیشان اویونچولاردان‌دیرلار. سونگونون یاشلی اویونچولارینین یئرینی دولدورماق اوچون تیمه قوشولاجاق‌لار. اونلار کئچمیشده ده سونگون ده اویون اوینامیش‌لار.

سجاد یوسف‌خواه‌ ایله حمزه کدخدایی بحث ائتدیییمیز اویونچولاردیرلار. اونلار دانیشیق‌لارین ایلک بؤلومونده سونگونون مودورلری‌له اورتاق بیر قرارا چاتمیش‌لار. ایندی ده سؤزلشمه یازماق اوچون باشگاهین مودورلوک بؤلومونده باش وئرن ده‌ییشیک‌لیک‌لری گؤزله‌ییرلر.