قبل از خبر
زمان انتشار : 1404/06/07 22:01 | کد خبر : 6136

هر آخشام تورکجه ورزش اوخو؛ آذربایجانین ان اؤنملی ورزش خبرلرینی هر آخشام ورزش آذربایجان آخاغیندان ایزله‌ییر


سونگونون سون اولای‌لاری؛ دوشوندوروجو

مس‌سونگون تیمی‌نین فنی سورون‌لاری خبرلرین ایلک باشیندادیر. لیگین ایلک هفته‌سینده تهرانین هوادار تیمی اونلارا قوناق‌ایدی. آنجاق سونگونون اویونچولارینین اویون کارتی وئریلمه‌میش. او اوزدن انضباطی بیر حؤکم ایله اویونو اوچ-هئچه اودوزموشلار‌. هابئله مالی جزا دا اؤده‌ملی‌دیرلر. سونگون کئچن فصل‌ین اویونچولاری‌لا یاریشمانی کئچیره‌بیلردی. آنجاق تیمین فنی کادری، علی ابراهیمیانین رهبرلییی ایله بو ایشین قارشیسیندا دورموش‌دور. ابراهیمیانین بو توتومونون سونوجو فنی اودوزماق هابئله ۳۰ میلیاردلیق(ریال) جریمه اولموش‌دور. بو آماتور داورانیش میللی سویه‌ده منفی تپکی‌‌لرله قارشیلاشمیش‌دیر. بو مسئله سونگون باشگاهینین دورومونو تهلوکه آلتینا آپارمیش‌دیر.

تراکتورون حریفی‌نین باشاری‌سیزلیغی

الدحیل فوتبال تیمی آسیا داهی‌لر لیگاسی‌نین قروپ آشاماسیندا تراکتورون حریف‌لریندن‌دیر. اونلار دونن گئجه قطرین اولدوزلار لیگاسی‌نین اوچونجو هفته‌سینده الریان تیمینه اودوزموش‌لار. اونلار آسیا داهی‌لر لیگاسی‌نین پلی‌آف آشاماسیندا سپاهانی اودموش‌لار. اوندان سونرا قطر لیگاسیندا بیر یاریشمانی مساوی ائدیب، ایکی یاریشمانی دا اودوزموش‌لار. الدحیل باشگاهی قطرین اولدوزلار لیگاسی‌نین جدولینده بیر امتیازلا دوققوزونجو‌دور. اونلار دی آیی‌نین بیرینجی گونو آسیا یاریشمالارینین آلتینجی هفته‌سینده تراکتورلا یاریشاجاق‌لار.

دورسون؛ ترابی اوروپادا اوینایا بیلر

سردار دورسون، تورکییه‌لی فوتبال‌چی، کئچن ایل پرسپولیس تیمی‌نین حمله خطینده چالیشماق‌دا‌ایدی. آنجاق نئچه وقت اؤنجه پرسپولیس ایله سردار سؤزلشمه‌لرینی پوزموش‌لار. ایرانین رسانه‌لری بو اویونچو ایله دانیشیق آپارمیش‌‌لار. دورسون بو دانیشیق‌دا مهدی ترابی ایله ریکاردو آلوزین فوتبال سویه‌سی حاقدا دیققت چکیجی سؤزلر دئمیش‌دیر:« ایران لیگاسیندا چوخ یاخشی هابئله چوخ بؤیوک اویونچولار واردیر. مهدی ترابی پرسپولیسین اَسکی اویونچوسو بیر ده ریکاردو آلوز اوروپا لیگاسی‌نین بیرینجی سویه‌سینده اوینایابیلر.»

سون: آخر، پایان

اولای: اتفاق

دوشوندوروجو: قابل تأمل

ایلک: اولین، اول

اؤده‌مک: پرداخت کردن

تهلوکه: خطر

باشاری‌سیزلیق: عدم موفقیت

یاریشما: رقابت

اؤنجه: قبل

سویه: سطح

اَسکی: پیشین، قدیمی

سؤزلشمه: قرارداد

داهی‌لر لیگاسی‌: لیگ نخبگان

کد خبر 6136


z

مطالب پیشنهادی

انتخاب سر دبیر

در بحث مشارکت کنید