هر آخشام تورکجه ورزش اوخو (363)
هر آخشام تورکجه ورزش اوخو؛ آذربایجانین ان اؤنملی ورزش خبرلرینی هر آخشام ورزش آذربایجان آخاغیندان ایزلهیی

خبر ترکی:
شهرداری اورمییهنین اَلی قولو باغلانمیشدیر
شهرداری اورمییه تیمی اویونچولارینین سؤزلشمهلرینی ثبت ائده بیلمهمیشدیر. جهانگیر سیدعباسی، تیمین اَسکی باشمشقچیسینین شکایتینه گؤره اورمییه آلیش وئریش گونلریندن محروم اولموشدور. تیمین هوادارلاری بو مسئلهیه چوخ جیددی تپکی گؤسترمیشلر. محمد نقیپور شهرداری باشگاهینین سوروملوسو بو حاقدا بئله دئمیشدیر:« بیزیم اعتراضلاریمیزا رغمن والیبال فدراسیونو اَسکی مشقچینین شکایتی ایله تاریخسیز هابئله امضاسیز بیر حؤکم وئرمیشدیر. بیز آنلاشدیغیمیز پولو دا اؤدهمیشیک. آنجاق فدراسیون یئنه ده بیزیم اویونلاریمیزین کئچیریلمهسینی ده ایستهمهییردی. اعتراضیمیزدان سونرا بو حؤکمون اجراسی هلهلیک دایاندیریلمیشدیر.
یئنی قولر آلماق اسکوچیچه تاپشیریلمیشدیر
علیرضا بیرانوندین دؤرد آیلیق محرومیتیندن سونرا تراکتور باشگاهی یئنی بیر قاپیچی آختارماقدادیر. اونلار دؤرد قاپیچی ایله امضایا قدر دانیشیقلارینی قاباغا آپارمیشدیرلار آنجاق سون آشامادا هر شئی دهییشمیشدیر. تراکتور باشگاهی بو گون بیر بیلدیریده هوادارلارینین اعتراضینی بئله جاوابلامیشدیر:« یئنی قاپیچینین آلینماق ایشلری دراقان اسکوچیچه تاپشیریلمیشدیر. محمدرضا زنوزی اؤزل بیر شکیلده قولر آلماق پئشیندهدیر. اویونچولارلا آپاریلان دانیشیقلارین سونوجو یاخین زاماندا بیلدیریلهجکدیر.»
بئلهلیکله تراکتورچولار بیرانوندین یئرینده داروازادا دوران قاپیچینی تانیماق اوچون بیراز دا گؤزلهملیدیرلر.
اودیل؛تراکتورون قهرمانلیغیله کافایا گلدیم
اودیل خامروبکوف، تراکتورون اوزبک اویونچوسو یای فصلینین آلیش وئریش گونلرینده تیمه قوشولموشدور. کافا یاریشمالارینا قاتیلماق اوچون اوزبکیستانین میللی تیمی اونو چاغیرمیشدیر. اودیل بو مسئله حاقدا بئله دانیشمیشدیر:« تراکتورا قوشولدوغوم ایلک یاریشمادا جام آلمیشدیق. بو اولای بوتون اویونچولار اوچون شیریندیر. ایندی ایسه میللی تیمیمیزه چاغیریلمیشام. اوردا کافا یاریشمالارینا قاتیلماق اوچون مشق ائدیریک. میللی تیمده باشگاه یاریشمالاری قدر فورصتیمیز چوخ دئییل. او اوزدن بوتون اویونلار اؤنملیدیر. بیز آماجیمیز دونیا کاپینین یاریشمالارینا قاتیلماقدیر.»
سؤزلشمه: قرارداد
اَسکی: قدیمی
باشمشقچی: سر مربی
تپکی: واکنش
اؤدهمک: پرداخت کردن
یئنی: جدید، تازه
قاپیچی: دروازهبان
یاریشما: رقابت، مسابقه
اؤنملی: مهم
اولای: حادثه، اتفاق
مشق: تمرین
کد خبر 6143