هر آخشام تورکجه ورزش اوخو (369)
هر آخشام تورکجه ورزش اوخو؛ آذربایجانین ان اؤنملی ورزش خبرلرینی هر آخشام ورزش آذربایجان آخاغیندان ایزله‌یین
خبر ترکی:
تاوارس؛ تراکتورون قهرمانلیق شانسی واردیر
روی تاوارس تراکتورون قولرلرینین اَسکی مشقچی اؤزل بیر دانیشیق‌دا تراکتورون قهرمانلیق شانسی حاقدا بئله دئمیش‌دیر:« کئچن فصل‌ین قهرمانلیغی تراکتورون حاققی‌ایدی. من ایران لیگاسی‌نی هر زامان ایزله‌ییرم. اؤزللیک‌له تراکتورلا تبریز میللتی‌نی؛ منجه اونلار بو ایل ده قهرمانلیغین آدای‌لاریندان‌دیرلار. زامان سوره‌جینده تراکتورون دورومو داها یاخشی اولاجاق‌دیر. تراکتور خاریجی تیم‌لرده چالیشماق قاپی‌سینی منه آچمیش‌دیر. او اوزدن هر زامان اونلارا سایغی دویورام.». او بیرانوندین محرومیتی حاقدا دا نظرینی بیلدیرمیش‌دیر:« بیر اویونچو اوچون سئودییی ایشدن اوزاق قالماق چوخ چتین‌دیر. آنجاق هر زامان سوروملولارین وئردییی قرارا باش اَیمه‌لییک.»
یادگار استادیومو بلیرسیز دوروم‌دا
گنجلر و ورزش باخانی، تراکتورون، تبریزده آسیا یاریشمالارینی میزبانلیق ائده‌جه‌یینی بیلدیرمیش‌دیر . آنجاق هوادارلارین نیگران‌چیلیغینا سبب اولان مسئله‌لر واردیر. یادگار استادیومونون چمن ده‌ییشمک سوره‌جی چوخ آز سورعت‌له داوام ائتمک‌ده‌دیر. هابئله استادیومون باشقا سورون‌لاری دا آرادان قالدیریلمامیش‌دیر. بوندان اؤنجه ده حبیب مقصودی دوغو آذربایجانین گنجلر و ورزش مودورو استادیومون چمن دورومو حاقدا آچیقلاما وئرمیش‌دیر. آنجاق یادگارین باشقا سورون‌لارینا توخونمامیش‌دیر. AFC نوماینده‌لری گیریش گئیت‌لرده، سکی‌لرین نومره‌سینده، وس. ورزشگاهین باشقا یئرینده اولان سورون‌لارینا توخونموش‌لار. او اوزدن تراکتور تبریزده آسیا یاریشمالارینا میزبانلیق ائتمک اوچون بو سورون‌لاری آرادان قالدیرمالی‌دیر.
مظفری‌زاده؛ سپاهان‌لا آلوز حاقدا دانیشمامیشق
سعید مظفری‌زاده تراکتورلا سپاهان تیم‌لرینین آراسیندا کئچیریلن اوتوروم حاقدا بئله دئمیش‌دیر:«اؤزل بیر اوتوروم دئییل‌دی. فدراسیون هر ایکی طرفین سؤزلرینی ائشیتمک ایسته‌ییردی. بیز ده سپاهانین نوماینده‌سی ایله بیرلیکده بو اوتوروما قوشولدوق. بیز سپاهان‌لا باریشماق حاقدا دانیشمادیق. هابئله باغیشلاماق قارشیسیندا ایکی میلیون دلار ایسته‌مه‌میشیک. بو سؤزلر یالان‌دیر. بیز باجاردیغیمیز یول‌لاردان پرونده‌نی قاباغا آپاراجاغیق. هابئله سپاهان باشگاهی دا بو پرونده‌‌نین پئشینی بوراخماق اوچون بیزه ایکی میلیون دلارلیق اؤنریسی اولمامیش‌دیر. بو حاقدا یایینلانان سؤزلر شایعه‌دیر.»
قولر: دروازه‌بان
اَسکی: قدیمی
مشقچی: مربی
اؤزل: ویژه، خاص
آدای: کاندید ، نامزد
سایغی: احترام
ایزله‌مک: دنبال کردن
دوروم: موقعیت
سوروملو: مسئول
گنجلر: جوانان
باشقا: دیگری
سورون: مشکل
آرادان قالدیرماق: برطرف کردن، از میان برداشتن
اؤنری: پیشنهاد
کد خبر 6180
