هر آخشام تورکجه ورزش اوخو (378)
هر آخشام تورکجه ورزش اوخو؛ آذربایجانین ان اؤنملی ورزش خبرلرینی هر آخشام ورزش آذربایجان آخاغیندان ایزله‌یین
خبر ترکی:
تیراختورایلک کؤینه‌یی‌له‌شباب‌ین قارشیسیندا
شباب الاهلی ایله تیراختور تیم‌لری بو گون هماهنگ‌لیک توپلانتی‌سی کئچیرمیش‌لر. بو توپلانتی‌دا ایکی تیمین تاماشاچی‌لارینین یئری بللی اولموش‌دور. تیراختور بو یاریشمادا قیرمیز کؤینک هابئله شباب تیمی یاشیل کؤینک گئیینه‌جک‌لر. دئمک تیراختور بیرینجی کؤینه‌یینی گئیینه‌جک آنجاق میزبانلیق ائدن تیم ایکینجی کؤینه‌یینی سئچمیش‌دیر. اونلار صاباح شیخ راشد استادیوموندا ساعات ۱۹:۳۰-دا قارشیلاشاجاق‌لار.
مهدی هاشمی‌نژادین یوزونجو اویونو
مهدی هاشمی‌نژاد تیراختور-آلومینیوم یاریشماسیندا یوزونجو دفعه اولاراق تیراختورون کؤینه‌یی ایله مئیدانا گئتمیش‌دیر. او بو یاریشمادا دوماقوی دروژدوکا قول پاسی وئرمیش‌دیر. هاشم‌نژاد دؤرد فصل تیراختور اوچون چالیشمیش‌دیر. او آشاغی یاشینا رغمن بورایا چاتمیش‌دیر. تیراختورون قهرمانلیغیندا دا بو اویونچو اؤنملی رول اوینامیش‌دیر. ۲۳ یاش ایله بو عونوانی قازانماق‌لا پارلاق بیر گله‌جه‌یه دوغرو آددیم آتماق‌دادیر. بو عونوان دونیا سویه‌سینده داها باشاریلی اولماق اوچون اونا یاردیمجی اولابیلر.
تیراختور ترابی اولمادان اماراتا گئتدی
تیراختور سه‌شنبه گونو آسیا داهی‌لر لیگاسی‌نین ایلک یاریشماسیندا شباب‌الاهلی تیمی‌له قارشیلاشاجاق. تیراختور تیمی یکشنبه گونو تبریزدن شارجه‌یه اوردان دا دوبایا گئتمیش‌دیر. ایندی ایسه شباب الاهلی باشگاهینا یاخین اولان بیر هتل‌ده قالمیش‌لار. اونلار صاباح مشق ائتدیکدن سونرا شباب تیمی‌نی قارشیلاشاجاق‌لار. آنجاق مهدی ترابی سوپرلیگانین کئچن هفته‌کی یاریشماسیندا یارالانمیش‌دیر. او اوزدن تیراختور ترابی اولمادان اماراتا گئتمیش‌دیر.
یاریشما: رقابت، مسابقه
داهی‌لر لیگاسی: لیگ نخبگان
مشق: تمرین
قارشیلاشماق: روبرو شدن
سویه: سطح
باشاریلی: موفق
اؤنملی: مهم
قول: گل
رول: نقش
توپلانتی: جلسه
کد خبر 6261
